توێژه‌ری‌كۆمه‌ڵایه‌تی‌: حه‌مه‌ی ئه‌حمه‌د ره‌سوڵ

لای‌ئێمه‌ی‌كورد خۆشبه‌ختانه‌ باهۆزی‌جیهانگیری‌ و عه‌وله‌مه‌ كه‌وتۆته‌ گه‌ڕ و هه‌ندێك گۆڕانكاری شه‌رمن هاتوونه‌ته‌پێش، هه‌روه‌ها له‌م بواره‌وه‌ له‌ هه‌وڵداین له‌جیاتی‌ فیشه‌ك و گولله‌، گوڵی‌سوور پێشكه‌ش یه‌كتر بكه‌ین. له‌جیاتی‌ جنێو و توانج، نامه‌ و مه‌سیجی‌ رازاوه‌ بۆیه‌ك ئه‌نێرین،كردنه‌وه‌ی ‌باخچه گه‌وره‌كانی‌شاریش لێره‌و له‌وێ‌ مژده‌ی‌ ده‌ركه‌وتنی ‌مانگه‌شه‌وی ‌خۆشن و دێن به‌ڵام ئه‌فسوس ئاكار و نه‌ریت و بیركردنه‌وه‌ی‌ كۆمه‌ڵایه‌تی‌ ئێمه ‌رێگرن له‌به‌رده‌م ئازادیی ‌په‌یوه‌ندی ‌خۆشه‌ویستیدا، له‌مێژه‌ كۆمه‌ڵگه‌ی‌كوردی ‌مه‌شخه‌ڵی ‌دژ به‌ عه‌شق و خۆشه‌ویستی ‌به‌رز كردووه‌ته‌وه‌، هه‌ر له‌ ئه‌زه‌له‌وه‌، هه‌رزه‌كارێكی ‌نێو خێزانی‌كورد وشه‌ی ‌ئه‌وین و خۆشه‌ویستیان‌ لێ حه‌رامكراوه‌، چه‌مكی‌ حه‌زلێكردن و په‌یوه‌ندی‌ خۆشه‌ویستی سه‌دان ماڵی‌كردووه‌ته‌ دۆزه‌خ و هه‌زاران ئاشق سه‌ری‌ له ‌به‌ردی ‌ئه‌لحه‌د دراوه‌،  مه‌خابن له‌مێژه‌ په‌یوه‌ندی‌نێوان كوڕ و كچ وه‌كو په‌یوه‌ندی‌ نێوان فریشته‌ و شه‌یتان ته‌ماشا كراوه‌ و وه‌كو كفرێك حسێبی‌بۆكراوه‌...

 خۆشه‌ویستی‌ كه‌ خۆی‌له‌خۆیدا ره‌مه‌ك و غه‌ریزه‌یه‌كی‌ گرنگی‌ مرۆڤه‌، بۆته‌ یاساغ و قه‌ده‌غه، به‌ردێك به‌ڵكو تاشه‌به‌ردێكی ‌خراوه‌ته ‌سه‌ر و له‌نێو قاسه‌ی ‌پڕ نهێنی‌ ده‌روون و خه‌یاڵدا هه‌ڵگیراوه، ئیدی‌ هێواش هێواش ده‌ستاڕی‌ چه‌پاندن و كه‌پ كردن خولیا و خه‌ون و ئاره‌زووه‌كان تێك ئه‌شكێنێ‌ و تێڕوانین و بیركردنه‌وه‌ و دواجار په‌یوه‌ندی ‌پراكتیكی ‌نێوان هه‌ردوو ره‌گه‌زی‌ نێر و مێ‌ چه‌واشه ‌و هه‌ڵه‌ئامێز ده‌سه‌لمێنێ...!

سه‌ره‌نجام بوونه‌وه‌رێكی‌ كوردی ‌لێ خه‌لق ده‌كه‌ین كه‌ پێی ‌ده‌ڵێن گه‌نج، كه ‌نیوا و نیوی‌ و بگره‌ زیاتریشی ‌پڕه‌ له‌ نهێنی‌ و له تاریكی ‌و له‌ كۆڵانی ‌بنبه‌ست، له‌ په‌رچه‌كردار و ره‌نگدانه‌وه‌ی‌ ئه‌و فشاره‌ ده‌روونییه‌دا، رق جێگه‌ی‌ خۆشه‌ویستی‌ ئه‌گرێته‌وه‌ و ترس و دڵه‌ڕاوكێ ‌له‌جێی‌ متمانه‌و باوه‌ڕبه‌خۆبوون و به‌خته‌وه‌ری ‌داده‌نرێت...!

ئه‌م جێگۆڕكێ‌ نالۆژیكی ‌و ناماقوڵه‌ی ‌كه‌لتوورێكی‌ نه‌ریتخوازی ‌كۆن سه‌پاندوویه‌تی‌ و له‌ مێشكی ‌هه‌ریه‌كه‌ماندا ره‌گی ‌داكوتیوه‌، یه‌كێكه ‌له‌ هۆكاره گرنگه‌كانی ‌له‌ده‌ستدانی ‌ئازادیی‌ و ویست و ئیراده‌ی‌مان....كه‌واته ‌قۆرخ كردن و زنجیر كردنه‌ملی‌ عه‌شق و خۆشه‌ویستی ‌قۆرخكردنی ‌هه‌ناسه‌ی ‌ئیراده‌ و ئازادیمان وه‌كو مرۆڤێك، كه‌ بێگومان له‌ ژیانی ‌واقیعیماندا به ‌ئاسانی ‌هه‌ستی ‌پێده‌كه‌ین!

شایه‌نی ‌وتنه‌، له‌م باره‌یه‌وه‌ یه‌كه‌مین وانه‌ كه ‌له‌ خێزانمانه‌وه فێری ئه‌بین، راستگۆیی‌ نه‌بوونمانه‌ و شاردنه‌وه‌ی ‌په‌یوه‌ندی‌ خۆشه‌ویستیمانه‌، چونكه‌ خۆشه‌ویستی ‌شاردراوه‌ته‌وه‌، وه‌ك حه‌رام و تابوو ته‌ماشای ‌ده‌كرێت، بۆیه‌ ناچارین درۆزن و ترسنۆك بین، خۆمان ملكه‌چ ده‌كه‌ین به‌رامبه‌ر به‌ چاندن و كه‌پكردنی ‌وشه‌ی ‌خۆشه‌ویستی‌، ئه‌م قووڕه‌ سووره‌ش له‌وه‌دا خه‌ستتر ئه‌بێته‌وه‌ كه‌ ئاریشه ‌و گرفتی‌كۆمه‌ڵایه‌تی‌ و دروونی ‌له‌پێكهاته ‌و  ورده‌كارییه‌كانی ‌ناو كیمیایی ‌